Disa këshilla për nje jete të lumtur bashkeshortor

Disa këshilla për nje jete të lumtur bashkeshortor


Martesat, ashtu si njerëzit, kalojnë nëpër faza të ndryshme dhe nëpër kriza të papritura. Pak a shumë, të gjithë i njohin fazat, periudhën e artë të muajit të mjaltit. Por ç’ndodh më vonë? Me kalimin e kohës dalja në pah e të metave, thyen iluzionin e përsosmërisë së fillimit. Papjekuria dhe injoranca në këtë fazë mund të bëjnë që çiftet të heqin dorë nga njeri-tjetri, duke i kushtuar tërë kohën punës, karrierës dhe ne rastin ekstrem mund të vendosin të divorcohen. Çiftet, të cilat arrijnë të përballin këtë stuhi të martesës, forcojnë lidhjen dhe dashurinë midis tyre. Një martesë është e mirë n.q.s. partnerët janë të vendosur të punojnë dhe të investojnë në të.

Prandaj po ofrojmë disa këshilla për një jetë sa më të lumtur bashkëshortore:
1. Kurrë mos u tallni me partnerin.

Shumë njerëz pasi lidhen me dikë, nisin të vënë re gjërat që s’i pëlqejnë. Më pas ia vënë në dukje duke i kërkuar që të përmirësohet. Kjo bën që partnerit t’i humb dashuria që ka, sepse s’ka dashuri aty ku nuk ka respekt. Një shënjë e mungesës së respektit janë vërejtjet që jepen për gjithçka. Mos u përpiqni që ta bëni partnerin tuaj më të mirë. Duajeni atë ashtu siç e keni dashur herën e parë që e keni takuar. Nqse ju kritikoni partnerin tuaj për çdo gjë, duke i bërtitur, duke e fyer, nënçmuar në sytë e të tjerëve, nuk bëni gjë tjetër veçse e largoni atë, e mërzisni shumë sa nuk do tju shohë më ne sy. Të dini të buzëqeshni! Të dini të bëni shaka me veten tuaj, me difektet e tuaja, me dobesitë tuaja: derisa në shtëpitë tuaja të mbretërojë buzëqeshja, asgjë s’mund të thyej marrëveshjen tuaj reciproke, as të ftohë e të gërryej ëmbëlsinë tuaj rreciproke. Luani lojrat që gruaja juaj ka dëshirë të luaj. Pejgamberi a.s. garonte me Aishen në shkretëtirë.

Kur jeni argëtuar herën e fundit me gruan tuaj?
2. Bëhuni të njerëzishëm.

E dyta me rend sipas rëndësisë, është rëndësia të cilën ia japim raporteve të njerëzishme ne mes të bashkëshorteve. Gratë ndaj burrave do të duhej të tregonin po aq njerëzishmëri dhe respekt sa edhe ndaj mysafirëve. Nuk ka mashkull i cili do të mund ta duronte gjatë gruan llafazane. Megjithëse të gjithë ne këtë e dimë, është e pabesueshme sesi jemi gati gjithnjë më të njerëzishëm ndaj të huajve sesa ndaj të afërmëve tonë. Asnjëherë nuk na bie ndër mend që ta ndërpresim mysafirin dhe t’i themi: “ Oh, nuk do ta dëgjojmë përsëri atë tregimin e vjetër! ”. Njerëzishmëria për martesën është si edhe vaji për motorin. Para se ta kalojmë pragun e shtëpisë, t’i lëmë para derës të gjitha problemet e punës dhe të jemi të njerëzishëm ndaj pjesëtarëve të shtëpise. Çdo mashkull e di se pa ndonjë mund të madh do të fitonte nga gruaja e tij tërë atë që do të dëshironte. E di se do të mund ta dispononte dhe do ta kënaqte me disa fjalë të mira për të cilat nuk do të duhej shumë – përveç që t’i kujtoj t’i shpreh. Çdo mashkull e di se është e mjaftueshme t’i thuhet sesi është më e bukur në fustanin e vitit të kaluar, ashtu që modelet më të reja të modës do të humbin rëndësinë në sytë e saj. Në fund, çdo mashkull e di se me një dhe vetëm me një puthje në kohën e duhur do të zgjoj në të baticën e dashurisë dhe të butësisë. Përkujtoni se do të shpërbleheni nga All-llahu i Lartmadhëruar për çdo ndjenjë të shfaqur ndaj gruas suaj, sikurse thotë Pejgamberi a.s: “Njeriu do të shpërblehet për çdo gje që bënë duke kërkuar kënaqësine e All-llahut, bile edhe për kafshatën e ushqimit të cilën e vendos në gojën e gruas se tij. ”

3. Mos u mundoni ta ndryshoni partnerin bashkëshortor.

Një grua e mirë e din se burrit të saj pas një dite të lodhshme i nevojitet ndjenja e “ folesë se ngrohtë “, duke e pritur me buzë në gaz duke transmetuar ngrohtësi. Kështu që orët e kaluara në shtëpi për burrin të jenë çaste të lumtura, që ai gjithmonë të eci shpejt e me padurim për të arritur në shtëpi. Asnjëherë mos ia shprehni gabimet dhe paditurinë partnerit tuaj. Nëse vëreni diçka të keqe te gruaja juaj, mos reagoni menjëherë por heshtni! Kjo është mënyra në të cilën ka reaguar Pejgamberi a.s kur ka vërejtur veprime të pahijshme te gratë e tij. Është e pamundur ta ndryshoni njeriun e rritur. Tentimet e këtilla do të krijojne gjithnjë vetëm grindje. Për këtë Profeti (s.a.v.s) në një hadith të transmetuar nga Muslimi ka thënë: “Të mos e urrejë burri gruan e tij. Në qoftëse ka ndonjë sjellje nga morali i saj që ai nuk e do, do të gjejë prapë sjellje të cilat do t’i pëlqejë”.
Është më mirë që ta lejoni të jetoje ashtu siç e kënaq atë, por sigurisht në se me sjellje të tilla nuk i sjell dëm, nuk lëndon tjetrin. Suksesi në martesë nuk varet vetëm nga ajo se a keni gjetur partnerin e duhur, por kryesisht nga ajo se a jeni edhe vet partner i duhur. Çdo burrë ka, në rrugën e jetës, momentet dhe ditët e tij të shqetësimit, të trishtimit e të dobisë. Një grua e përsosur duhet, jo vetëm t’i ofrojë në rrethana të tilla nje mbrojtje morale ne të cilën ai të mund të gjejë paqen e qetësinë e domosdoshme për të rifilluar luftën, por të zbulojë ankthet e tij, shqetësimet e tij, e t’i vije në ndihmë pothuaj pa e vënë re ai. Sa bukur ka thënë Ebu Derdau (r.a) kur iu drejtua gruas së vet një ditë me fjalët: “Nëse më sheh se jam hidhëruar, mundohu që të më pajtosh, nëse të shoh se je e hidhëruar atëherë do të mundohem që të të pajtoj e nëse jo, atëhere mes nesh s’do të ketë shoqërim”. Përpiquni që ta kuptoni më mirë botën e tjetrit, vendoseni veten në vendin e tjetrit dhe thuajini atyre gjëra që ju do të donit të dëgjoni prej tij. Silluni me të ashtu siç do të donit që ai të sillej me ju. Duajeni atë ashtu siç e keni dashur herën e parë që e keni takuar.

4. Hiqni dorë nga inatet shpirtvogla.

Sekreti i lumturisë i është besuar edhe gjërave shumë të vogla, të cilat janë fare lehtë të evitueshme. Është fakt se nuk janë problemet e mëdha ato që i prishin marrëdhëniet, por përkundrazi një mori çikërimash të përsëritura si: mungesa të vogla të vëmendjes, komente të nxitura, ashpërsi nga shpirtngushtësia, fjalë të pathëna, apo krahasimi i gruas me nënën. Po ç’avantazh do të keni t’i thoni gruas suaj: - “Mamaja ime gatuante më mirë”! “Tek nëna ime nuk më ndodhte kurrë të gjeja këmishën pa kopsa”. Të jeni të bindur se duke i folur kështu nuk do të merrnit tjetër veç antipatinë e saj. Me një përpjekje të vogël do ta evitonit këtë poshtrim ndaj gruas suaj dhe ajo që është më e rëndësishme do të fitonit kënaqësinë e All-llahut. Për ketë kemi hadithin që transmeton Tirmidhiu nga Ebu Hurejreja (r.a) ku tregohet se Muham-medi (a.s) ka thënë: “ Më besimtarë në fe janë ata që janë me moral të mirë, me të mirë prej jush janë ata që janë më të mirë për gratë e tyre”. Gjithashtu All-llahu xh.sh thotë në suren Esh-Shûra ajeti 43: “ Por, kush duron dhe fal, ajo është nga punët e mençura”.
Në prezencë të të tjerëve duhet ta mbroni gruan tuaj, duhet të bëni sikur zbaviteni e interesoheni për historinë që ajo tregon. Mos i tregoni miqve, tërë defektet e saj të vogla, manitë dhe fshehtësitë e saj. Siç shprehet edhe Muhammedi (a.s) duke thënë: “Njërëz më të këqinj me pozitë tek All-llahu në ditën e kijametit janë ata që bëjnë marrëdhënie me gratë e tyre dhe pastaj njëri nga bashkëshortët e përhap fshehtësinë e tjetrit”.
Asnjë nga këto mënyra nuk është në vetvete shkaterruese, por në qoftë se atyre u lëmë hapësirë për të na nxehur vazhdimisht dhe të na shqetësojnë jetën tonë pa u kushtuar vëmendje, mund ta shkatërrojnë edhe historinë e dashurisë më të qëndrueshme. Marrëdhëniet shkojnë drejt prishjes jo pse kemi gabuar, por sepse pjesa më e madhe prej nesh nuk dëshiron të ndreqet: duam gjithmonë të veprojmë sipas mënyrës sonë.

5. Imtësi të cilat vlejne shumë.

Lulet gjithmonë kanë qënë simbol i dashurisë. Buqeta e luleve nuk kushton shumë, qoftë edhe në kohën sezonale. Mos ju dhimben lekët që harxhoni për to? Kujtoni fjalët e të Dërguarit të All-llahut a.s.: ”Të hollat që i ke shpenzuar në rrugë të All-lllahut, të hollat që i ke shpenzuar për lirimin e robërve, të hollat që i ke dhënë për të varfërit dhe të hollat që i ke shpenzuar për familjen tënde, shpërblimi më i madh është për ato që i ke shpenzuar për familjen tënde ”. Përse do të duhej të prisni që gruaja të shtrohet në spital që t’i dërgonit një buqete me lule? Përse që nesër nuk do të mundni ta befasonit me nje vëmendje të vogël? Ka njerëz që grave të tyre dhe nënave të tyre iu telefonojnë nga puna nga dy herë në ditë, jo për arsye që t’u tregojnë ndonjë risi të rëndësishme, por thjeshtë për atë që t’u shprehni vëmendje të vogël. Pejgamberi a.s e shtriu gjurin e tij që t’i ndihmoje gruas së tij për të hypur ne deve. Të jeni të vetdijshëm se një rast të humbur asnjëherë nuk do të keni mundësi ta zëvendësoni Meshkujt shpesh e harrojnë se çfarë rëndësie femrat i kushtojnë paraqitjes se jashtme të tyre. Mashkulli as nuk e mban në mend se çfarë ka pasur dje të veshur. Secilës grua do t’i bëhej qejfi kur mashkulli t’i jepte mirënjohje, kompliment ne llogari të rrobave, lukut të saj, apo për gatimin e një gjelleje të shijshme. Përse të mos e falenderoni mundin e saj dhe ta bëni të lumtur? Tregohuni bujarë, qoftë edhe me gjëra shumë të vogla. Çdo gje që u falni atyre, ju ngre ne një nivel të lartë. All-llahu i Madhëruar thotë: “…Çkado që ju të jepni (dhuroni) Ai atë e kompenson.” (Sebe’ 39). Askush s’i fiton zemrat e të tjerëve duke qënë shumë cingun apo koprac.

6. Mbani gjallë romancën e dashurisë.

Ndryshe nga opinioni i përgjithshëm, romanca nuk ekziston gjithmonë. Pas një periudhe kohe duhet të bëhen përpjekje për ta mbajtur gjallë atë. Përpiquni të pëlqeni njeri-tjetrin vazhdimisht. Përdorni në mënyrë të vetdijshme ndaj njeri-tjetrit të gjitha mjetet e joshjes të cilat keni përdorur para martesës. Disa njerëz që janë romantikë bëjnë gjëra të vogla, që e bëjnë partnerin të ndihet special. Mësojeni çfare partneri konsideron romantike dhe bëni diçka të tillë të paktën çdo ditë. Thonë se ndryshimet janë esenca e jetës. Është e mërzitshme që të bëni të njëjtat gjëra herë pas here derisa t’ia nxirrni gjithë lezetin jetës. Kështu që bëhuni iniciatore dhe bëni diçka të re, bëni gjëra që nuk i keni çuar ndonjëherë në mendje. Bëni një gjë që asnjëri as tjetri s’e priste të ndodhte. Iniciativa është mënyra më e mirë për të shtuar dëshirën. Nëse burri juaj gjithmone i nis gjërat ateherë ai do të thotë: “Përse ajo nuk më ndjek ose nuk ka dëshirë? A thua nuk më do?”. Bëhuni më entuziaste. Mos e refuzo atë, nëse je e zënë me punë. Edhe nëse ke shumë punë për të bërë lijini dhe thoni burrit se do t’i lini për të ndenjur me të.

7. Jini të ndershëm. Komunikimi më i mirë kërkon që të jeni i ndershëm dhe i hapur në familje.

Në një familje të qëndrueshme anëtarët thonë atë që kanë në mend dhe mendojnë atë që thonë, ata nuk gënjejnë kurrë. Asgjë më shumë s’e dëmton një lidhje sesa pandershmëria, edhe gënjeshtrat që i konsiderojmë të vogla. Pra, mos e vendosni veten në situata që ju detyrojnë të gënjeni. Marrëdhëniet ngrihen në mirëbesim, nje herë të thyhet e bën shumë të vështirë rindërtimin. Mbajini premtimet dhe bëhuni i besueshëm në ato që thoni. Duke vepruar kështu keni zbatuar edhe urdhërin e All-llahut të Madhëruar ku thotë në suren Es-Saf, ajeti 2-3: “ O besimtarë, përse flisni atë që nuk e bëni. Tek All-llahu është shumë e urrejtur ta thoni atë që nuk e punoni ”. Kjo do të bëjë që partneri të të dojë edhe atëherë kur ju nuk ia përmbushni deri në fund dëshirat.
Shumë çifte do të ishin të lumtur nëse do ta donin nje gjë të tillë. Do të duhej vetëm pak vullnet të mirë.