FTI - Fjalor i termave të informatikës

Duke u nisur nga mungesa e theksuar e fjalorëve në fushën e informatikës, Qendra për Edukim dhe Përparim në bashkëpunim me organizatën Alba-Soft hartuan fjalorin - softuer të teknologjisë së informacionit. Ky është një fjalor shpjegues anglisht – shqip – anglisht që përmban rreth 2500 terma, për realizimin e të cilit është dashur puna e vyeshme e një numri të madh gjuhëtarësh dhe inxhinierësh.

Lexo ndihmën

Versioni i plotë
http://www.gjuha-shqipe.com/shkarko/as_fti.zip


http://www.gjuha-shqipe.com/shkarko/as_fti_demo.zip

Versioni DEMO Versioni i plotë

Pjesa më e madhe e atyre që punuan në hartimin e këtij softueri / fjalori kanë marrë pjesë dhe në procesin e lokalizimit të Windows XP dhe Office 2003, proces ky tepër i komplikuar si rrjedhojë e mungesës së përvojave në nivel kombëtar në lokalizime, e për më tepër si rrjedhojë e mungesës së një fjalori të tillë.

Tash e tutje të gjithë përdoruesit e këtij softueri / fjalori do ta kenë më të lehtë lokalizimin e softuerëve, përkthimin në përgjithësi, si dhe përdorimin e terminologjisë së saktë në fushën e teknologjisë së informacionit.

Falënderojmë shumë për ndihmën e dhënë bashkëpunëtorët e mëposhtëm: Emil Lafe (Akademia e Shkencave), Enver Hysa (IGjL), Gudar Beqiraj (INIMA), Neki Frasheri (INIMA), Betim Çiço (UT, Fakulteti i inxhinierisë elektrike), Fitore Muçolli, Zinaide Kuqi-Gruda, Jeta Rugova-Plakolli, Anila Çepani (IGjL) etj.

Kontribut të veçantë me pjesëmarrje të përhershme në hartimin e këtij softueri / fjalori kanë Adelina Çerpja (IGjL) dhe Vehbi Neziri (Alba-Soft), të cilët kanë udhëhequr tërë procesin e hartimit të fjalorit / softuerit.

Tashmë kur kompjuteri është pjesë e pandarë e jetës sonë të përditshme, edhe shqiptarëve u ofrohet mundësia që me kompjuterin “të flasin” shqip. Le të urojmë që kjo gjuhë të pasurohet me të njëjtin ritëm me të cilin po ecën teknologjia e informacionit